Pozo bastón
Unha maravilla en pleno Araño. Esta pequena e acolledora parroquia rianxeira garda no seu interior un ameno paseo fluvial entre a natureza, que culmina no pozo Bastón. Dende fai uns anos, a localidade reivindicou este recuncho como un punto de interese turístico.
Para visitalo, os interesados terán que percorrer o curso do río a pé, cruzar unha ponte e molla-los pes no tramo final, xa que non existe maneira de saltar nin camiño alternativo.
