Agradecemento á Deputación da Coruña pola subvención concedida

Pincha na imaxe para agrandar

A pesares da situación pandémica, o centro social é usado por diversos coletivos como a propia asociación de veciños para a celebración das súas reunións, festexos, eventos culturais e actividades semanais, pola asociación Carballeira de Baia para a celebración de eventos culturais ou festas puntuais, o CRA de Rianxo para a celebración de charlas ou seminarios, outras entidades veciñais coma o equipo de fútbol SD Araño, a comunidade de montes do Araño ou colectivos de traídas de augas para a celebración de xuntanzas e asambleas xerais.

Fai tempo que andábamos matinando como levar a cabo uns proxectos para dotar  de recursos ao centro social da Capela e poñelos a disposición de socios e veciñanza. Despois da análise das necesidades do centro en relación ao seu uso e da súa potencialidade para outros usos, concordamos que:

  • O centro social conta con amplas cristaleiras nas portas de entrada que aportan moita luz ao interior que en certos eventos supón un inconvinte, polo que o control da luz en determinadas circunstancias era unha necesidade. Despois de darlle unhas voltas, acordamos que a colocación duns estores opacos nas portas de entrada era a solución máis económica, lóxica e eficaz.
  • Depois de varios anos concorrendo e obtendo financiación da Deputación da Coruña, fixémonos cunha importante cantidade de material audiovisual como altofalantes, proxector, pantalla para proxector, atril, luces, mesa de audio, mesa de son, micros, cableado vario, e outros materiais que non contaban cun soporte adecuado para almacenalos e gardalos con seguridade, polo que nos propuxemos adquirir uns mobles/estanterías que permitisen gardalos en condicións.
  • Unha vella idea que nos rondaba era a de achegar e fomentar a lectura á nosa parroquia, para facelo, propuxémonos abrir unha humilde e pequena biblioteca mediante doazóns de particulares ou institucións. A idea era que a xente que pasa polo centro por diversas circuntancias poidese coller libremente prestado un libro para levar a súa casa ou mesmo lelo alí mesmo. Esta idea deu paso a outra que era facer o mesmo pero para os máis cativos, fomos moldeando a idea ata que pensamos en algo integral para a cativada, a creación dun pequeno espazo infantil dentro do centro social da Capela. Este espazo estaría dotado con unha pequena biblioteca, biombo serapador de espazos, alfombra, xogos de lóxica, arte, etc. adaptado ás súas idades e necesidades.
  • Decatámonos que en xuntanzas, charlas e seminarios se botaba de menos unha pantalla que permitise de forma áxil e rapida presentar información, proxectar documentos audiovisuais, etc, polo que consideramos adquirir unha TV con moble soporte con rodas que permitise facilmente o deprazamento do mesmo.

Felizmente, todos estes proxectos puideron ser levados a cabo grazas a concesión dunha subvención de 1500 € por parte da Deputación da Coruña e ao esforzo da propia asociación, e hoxe xa son unha realidade no centro social da Capela a disposición de toda a veciñanza en xeral, e á do Araño en concreto.

Só queda desfrutalo e coidalo para que dure moitos, moitos anos!

 

 

Logo Asociación Veciños Araño

Dejar un comentario

Tu dirección de correo electrónico no será publicada. Los campos obligatorios están marcados con *

queres formar parte da nosa asociación?
Scroll Up